ང་ཚོའི་གྲུབ་འབྲས། :

ཕྱི་ལོ༢༠༡༧ནས་བཟུང་ངེད་ཚོགས་པའི་དང་བླངས་པ་གཉིས་ཀྱིས་བདུན་ཕྲག་རེ་ལ་ཐེངས་རེ་ཧྥ་རན་སིའི་སྐད་ཡིག་གི་རྨང་གཞི་དང་མཚམས་སྦྱོར་འཛིན་གྲྭ་སློབ་ཁྲིད་གནང་ཡོད། .

མ་འོངས་པའི་ལས་གཞི། : 

པཱ་རི་སིའི་ཉེ་འཁོར་ལ་གནས་པའི་བོད་མི་རྒན་དར་གཞོན་གསུམ་གྱི་ཆེད་དུ་ཧྥ་རན་སིའི་སྐད་ཡིག་སློབ་ཁྲིད་བྱ་འཆར་ཡོད། དེ་ཡང་སློབ་ཚན་ནི་ཧྥ་སིའི་སྐད་ཡིག་ཕྱི་སྐད་ཅེས་པའི་སློབ་གཞི་གཞི་བཟུང་སློབ་ཁྲིད་བྱ་རྒྱུ་ཡིན་པ་དང་། ང་ཚོའི་དམིགས་ཡུལ་ནི་སློབ་མ་ཚོར་(DILF, DELF (A1 à B2) et  DALF (C1 et C2) བཅས་ཀྱི་ཤེས་ཚད་ལག་འཁྱེར་ཐོབ་ཆེད་ཡིན།

རྨང་གཞིའི་སློབ་མ་རྣམས་ལ་བོད་ཡིག་རྒྱུད་ནས་ཧྥ་སྐད་སྦྱོང་ཐབས་ཀྱི་ཀློག་དེབ་ཅིག་རྒྱུད་ནས་སློབ་ཁྲིད་བྱ་རྒྱུ་ཡིན་པ་དང་།

ཀློག་དེབ་དེ་བཞིན་ཨི་ནལ་ཀོ་སློབ་ཆེན་གྱི་དགེ་རྒན་དང་ངེད་ཚོགས་པའི་དྲུང་ཡིག་གཞོན་པ་ཉི་མ་རྡོ་རྗེ་ལགས་ཀྱི་ཆེད་དུ་ཕྱོགས་སྒྲིགས་གནང་བ་ཞིག་ཡིན་པ་དང་། དེའི་ནང་ཧྥ་ཡིག་གི་གཞི་རྩའི་བརྡ་སྤྲོད་ཁག་བོད་ཡིག་གི་ཐོག་ནས་འགྲེལ་བརྗོད་བྱས་ཡོད།

ང་ཚོའི་གྲུབ་འབྲས། :

ངེད་ཚོགས་པས་སྣེ་ཤན་པ་ཡོད་པའི་རིག་གཞུང་དང་འབྲེལ་བའི་སྤྲོ་འཆམ་གཟིགས་སྐོར་འགའ་ཞིག་གོ་སྒྲིག་ཞུས་ཡོད་པ་དཔེར་ན། Versailles, de la Basilique Saint-Denis, de Notre Dame-de-Paris, du parc de Fontainebleau et du domaine de Chamarande.སོགས་སུ་ལྟ་སྐོར་དུ་ཁྲིད་ཐུབ་པ་བྱུང་ཡོད། 

མ་འོངས་པའི་ལས་གཞི། : 

_ཧྥ་རན་སིའི་ལོ་རྒྱུས་དང་། ས་ཁམས། རིག་གནས། ཧྥ་རན་སིའི་སྤྱི་ཚོགས་ཀྱི་ལམ་ལུགས་སྲོལ་སོགས་མཁྱེན་རྟོགས་ཆེད་དེ་དང་འབྲེལ་བའི་ཟབ་སྦྱོང་སྤྲོད་རྒྱུ་ཡིན། པཱ་རི་སིའི་མཐའ་ཁུལ་དང་དམིགས་པསལ་པཱ་རི་སིར་གནས་པའི་རྒྱལ་ཁང་། འགྲེམས་སྟོན་ཁང་། འཁྲབ་སྟོན་ཁང་། ཟློས་གར་ཁང་། གློག་བརྙན་ཁང་སོགས་སུ་ལྟ་སྐོར་དུ་ཁྲིད་རྒྱུ་ཡིན། 

ང་ཚོའི་གྲུབ་འབྲས། :

རེས་གཟའ་སྤེན་པ་ནམ་ཡིན་ལ་ང་ཚོའི་དང་བླངས་པ་གཉིས་ཏེ་བོད་པ་ཞིག་དང་ཧྥ་རན་སིའི་མི་ཞིག་གིས་འཛིན་སྐྱོང་གི་འགྲོ་ལུགས་གཉེར་རྒྱུར་རོགས་སྐྱོར་གནང་གི་ཡོད།

དེ་ལས་མང་བ་མཁྱེན་འདོད་ཡོད་ན། 

དང་བླངས་པ་ཚོས་ཆབ་སྲིད་ཀྱི་སྐྱབས་བཅོལ་ཞུ་མཁན་ཚོའི་དངོས་བྱུང་ལོ་རྒྱུས་རྣམས་ཧྥ་ཡིག་ནང་ཡིག་བསྒྱུར་གནང་གི་ཡོད། 

ང་ཚོས་ཕྱི་མིའི་ཐོབ་ཐང་གི་ཆེད་ལས་ཁྲིམས་རྩོད་པ་དང་མཉམ་སྦྲེལ་བྱས་ནས་སྐྱབས་བཅོལ་ཞུ་སྟངས་དང་། ནང་མི་ཟླ་སྒྲིལ།ཧྥ་རན་སིའི་མི་སེར་ཞུ་སྟངས་སོགས་གནས་ཚུལ་བསྡུ་རུབ་བྱས་ནས་མི་དམངས་ལ་འགྲེམ་སྤེལ་ཞུ་མུས་ཡིན། 

མ་འོངས་པའི་ལས་འཆར། :

• ༡༽་ གཟའ་འཁོར་གྱི་རིང་། གཞུང་གི་འགྲོ་ལུགས་གཉེར་རྒྱུའི་རོགས་རམ་བྱ་ཆེད་སྤྱི་ཚོགས་ཞབས་

འདེབས་པ་གཅིག་དང་སྐད་སྒྱུར་གཅིག་གྲ་སྒྲིག་བྱ་རྒྱུ་ཡིན། 

• ༢༽གཟའ་འཁོར་གྱི་རིང་། ཁྲིམས་ལུགས་ཀྱི་རོགས་རམ་བྱ་ཆེད་ཕྱི་མིའི་ཐོབ་ཐང་གི་ཆེད་ལས་ཁྲིམས་

རྩོད་པ་གོ་སྒྲིག་ཞུ་རྒྱུ།

• ༣༽     གཞུང་གི་འགྲོ་ལུགས་དང་ཁྲིམས་ལུགས་འབྲེལ་ཡོད་ཀྱི་གནས་ཚུལ་གལ་ཆེན་ཁག་བོད་སྐད་དང་། དབྱིན་སྐད། ཧྥ་སྐད་བཅས་ཀྱི་ཐོག་ནས་ངེད་ཚོའི་དྲ་རྒྱའི་ཐོག་འགྲེམ་སྤེལ་བྱ་རྒྱུ།

ང་ཚོའི་གྲུབ་འབྲས། :

དེ་ནི་ཧྥ་རན་སིའི་ཁྱིམ་ཚང་ཞིག་གིས་བོད་མི་གསར་དུ་འབྱོར་བ་ཞིག་ལ་གནས་ཚང་གཡར་རྒྱུའི་མཐུན་རྐྱེན་ཡོད་ཅེས་ངེད་ཚོགས་པར་འབྲེལ་བ་བྱས་ཚེ་ཕྱོགས་གཉིས་དབར་འབྲེལ་ལམ་བཟོ་ཐུབ་པ་བྱུང་ཡོད།

མ་འོངས་པའི་ལས་འཆར།  :

ཧྥ་རན་སིའི་རྒས་འཁོགས་རྣམས་ལ་ཞལ་ལག་བཟོ་རོགས་དང། ཉོ་ཆ་རྒྱག་རོགས། ནང་ལ་གད་དར་བྱེད་རོགས། འཆམ་འཆམ་དུ་འགྲོ་རོགས་སོགས་ལས་ཀ་ཙག་ཙིག་བྱས་ནས་ཞབས་ཞུའི་ངོ་བོའི་ཐོག་ནས་སྡོད་གནས་འཚོལ་རྒྱུ། 

མ་འོངས་ལས་འཆར། :

བོད་མི་སྐྱབས་བཅོལ་བ་སྔོན་ལ་འབྱོར་བ་དག་གིས་གསར་དུ་འབྱོར་བ་རྣམས་ལ་ཁོང་ཚོའི་འཚོ་ཐབས་དང་དཀའ་ངལ་ལ་གདོང་ལེན་གང་འདྲ་བྱས་པའི་ཉམས་མྱོང་འདྲ་མིན་བརྗོད་པ་དང་དེ་ལས་གལ་ཆེ་བ་ནི་ཆེད་ལས་ཀྱི་ལས་ཀ་འདེམས་སྟངས་ཀྱི་གནས་ཚུལ་དང་ཁེ་ལས་སོགས་གསར་དུ་གཉེར་སྟངས་ཀྱི་རྒྱུད་རིམ་བརྗོད་རྒྱུའི་ཚོགས་འདུ་གོ་སྒྲིག་ཞུ་རྒྱུ། 

མ་འོངས་ལས་འཆར། :

ཧྥ་རན་སིའི་ཤེས་ཡོན་ལམ་ལུགས་ཀྱི་སྒྲིག་གཞི་དང་འགྲོ་སྟངས་སོགས་ངོ་སྤྲོད་འགྲེལ་བརྗོད་ཁ་གསལ་ངང་བྱ་རྒྱུ་དང་། དེ་དང་འབྲེལ་ཕ་མ་དང་སློབ་ཕྲུག་གི་དབར་གྱི་འོས་འགན་དང་ཐོབ་ཐང་སོགས་ཀྱི་འགྲེལ་བཤད་བྱ་རྒྱུ།

དེ་ལྟར་བྱས་ཚེ། ཕ་མ་ཚོས་སློབ་གྲྭ་ཁག་གི་ཤེས་ཡོན་ལམ་ལུགས་གསལ་པོ་རྟོགས་ནས་སློབ་ཕྲུག་ཚོའི་ཤེས་ཡོན་ཡར་རྒྱས་གཏོང་རྒྱུར་རམ་འདེགས་ནུས་ཤུགས་ཆེ་རུ་འགྲོ་བར་ཕན་ཐོག་བྱུང་ངེས། ད་དུང་ཕ་མ་ཚོར་སློབ་ཕྲུག་ཚོའི་ཤེས་ཡོན་ཡར་རྒྱས་འགྲོ་བའི་ཐབས་ལམ་གསར་བ་༼དམིགས་བསལ་ཕྲུ་གུ་ཚོའི་ཆེད་དུ་སྐད་ཡིག་སྣ་ཚོགས་ཀྱིས་ཕྱུག་པ་༽དང་སློབ་ཡོན་ལམ་སྟོན་དང་འབྲེལ་བའི་ཤེས་བྱ་སོགས་ངོ་སྤྲོད་བྱ་རྒྱུ་ཡིན།